Адкрыццё тыдня цыклавой камісіі сацыяльна-гуманітарных дысцыплін «У роднай мове — цэлы свет».

Название: Адкрыццё тыдня цыклавой камісіі сацыяльна-гуманітарных дысцыплін «У роднай мове — цэлы свет».

22 лютага 2021 г. ў актавай зале Мінскага радыётэхнічнага каледжа адбылося ўрачыстае адкрыццё Тыдня цыклавой камісіі сацыяльна-гуманітарных дысцыплін, прысвечанага роднай мове «У роднай мове — цэлы свет» (з нагоды Міжнародняга дня роднай мовы 21 лютага).

Уступнае слова ўзяў дырэктар каледжа, кандыдат педагагічных навук, дацэнт, выдатнік адукацыі Рэспублікі Беларусь—Анкуда Сяргей Мікалаевіч. Ён шчыра павіншаваў усіх удзельнікаў з Міжнародным днём роднай мовы, падзяліўся сваімі думкамі пра любімыя кнігі , цікавыя мясціны на Беларусі, а таксама адзначыў важнасць і ролю роднай мовы сярод іншых моў.

Госцем свята стаў класік беларускай літаратуры, драматург, сцэнарыст—Дудараў Аляксей Ануфрыевіч. Ён расказаў пра сваю творчасць і адказаў на шматлікія пытанні прысутных. Дыялог атрымаўся вельмі цікавым і адкрытым. Удзельнікі сустрэчы доўгі час не адпускалі аўтара, а той, у сваю чаргу, стараўся вельмі шчыра адказваць на іх пытанні. Нечаканасцю для ўсіх з’явілася тое, што Аляксей Дудараў піша яшчэ і вершы. Некалькі вершаў ён з задавальненнем прадэкламаваў перад слухачамі, што прывяло ўсіх у захапленне. Некаторым удзельнікам сустрэчы А. Дудараў падарыў кнігі са сваім аўтографам на памяць. Беларускі драматург таксама атрымаў памятныя падарункі ад навучэнцаў і дырэктара каледжа.

На прыканцы сяточнага мерапрыемства перад прысутнымі выступіла старшыня цыклавой камісіі сацыяльна-гуманітарных дысцыплін — Курсевіч Святлана Расціславаўна. Яна пазнаёміла з праграмай Тыдня цыклавой камісіі сацыяльна-гуманітарных дысцыплін, прысвечаннага роднай мове, запрасіла на мерапрыемствы, падзякавала за актыўны удзел і павіншавала са святам.

У выкананні научэнцаў І курса прагучалі вершы і песні на беларускай мове.